Ciidanka Cabdi Ileey oo Gabdho ka Afduubtay Deegaanada Galmudug !

Filed under: WARARKA MAANTA |

Maamulka deegaanka Galinsoor ee Gobolka Mudug ayaa sheegay inay heleen xog ku saabsan halka lala aaday 2 Gabdhood oo todobaad ka hor laga afduubtay deegaanka Galinsoor ee Gobolka Mudug.

Gudoomiyaha deegaanka Galinsoor Cali Saciid Axmed Cabdulle ayaa sheegay inay heleen macluumaad ku saabsan halka lala aaday 2 Gabdhood oo todobaad ka hor laga afduubtay deegaanka Galinsoor,Gudoomiye Cali Saciid ayaa sheegay in Gabdhahaasi la geeyay deegaanka Kaxandhaale oo ka tirsan Ismaamulka Somalida Itoobiya.

Cali Siciid ayaa shaaca ka qaaday inay Gabdhahaasi afduubteen dad reer miyi ah oo hubaysan, wuxuuna tilmaamay inay hayaan xog rasmi ah oo muujinaysa in Gabdhaha la geeyay deegaanka Kaxandhaale oo ay maamusho dowladda Itoobiya.

Gudoomiyaha ayaa intaa ku daray inaysan ka war haynin xaalada ay ku sugan yihiin Gabdhahaasi iyo sababka ka danbaysa afduubkooda.

“Degmada Baadiyaheeda ayaa laga afduubtay, waxaana maqlay inay afduubteen dad qabiilaad ah oo dadka shacabka ka mid ah, waxayna geeyeen Kaxandhaale, wax war ah oo dambe oo aan ka hayno ma jirto, waa laba dumar ah oo sheebab ah, sababta ma aanan ogaanin waxaan maqalnay kaliya in dadka la afduubtay ay ahaayeen reer miyi ah, dadkaasi dad xoolo raacato ayeey ahaayeen wax kale oo shaqo ah oo ay hayeen majirto.” Ayuu yiri Gudoomiyaha Galinsoor.

Gudoomiyaha deegaanka Galinsoor ayaa sheegay inay xogta ay hayaan la wadaageen maamulka Galmudug iyo Dowladda Federaalka Somaliya, wuxuuna intaa raaciyay inay socdaan dadaalo la doonayo in lagu soo furto labada Gabdhood ee laga afduubtay deegaanka Galinsoor.

 

FADLAN ARAGTIDAADA HALKAN KA DHIIBO

RA'YIGA DADWEYNAHA