DAAWO:- Khudbadii Qiimaha Laheyd ee Lala ilmeeyey ee Uu MD Farmaajo Jeediyey X……

Filed under: WARARKA MAANTA |

Madaxweynaha DFS Maxamed Cabdullahi Farmaajo ayaa Khudbad Xasaasi ah ka jeediyay munaasabadii Aas-aaska SYL oo xalay ka dhacday xarunta dowladda Hoose ee Xamarweyne.
Maxamed Cabdullahi Farmaajo ayaa si dheer uga hadlay dareenka ay umadda Soomaaliyeed uleedahay maalintan, iyo in dhalinyaradii usoo halgantay xoriyadda Soomaaliya ay mudan yihiin in xus gaar ah loo sameeyo.
Waxaa uu sheegay in xaalada ay haatan Soomaaliya ku sugan tahay ay ugu wacan tahay qabiil taasna uu uga digayo dhalinyarada Soomaaliyeed.
Maxamed Cabdullahi Farmaajo ayaa ugu baaqay in muhiimada koobaad ay tahay sidii ay ula tartami lahaayeen caalamka ayna dowladiisu arintaas dadaal ugu jirto, sidoo kale, waxaa uu ka hadlay nadaafada Muqdisho.
“Fadhiga ha laga kaco, dowladda diyaar ayeey u tahay in ay awood siiso dhallnyarada Soomaaliyeed, dowladda iyo shacabka ma doonayo in dhexdeena la gelo, si midnimadeena muuqata aan u xoojinn idinkana sii wada taageerada dowladdiina aad u heysaan” ayuu yiri Madaxweyne Farmaajo
Dhanka kale, madaxweynaha ayaa sheegay in mudadii uu xilka hayay ay suura geliyeen in mushaaraadkooda la siiyo cidamada qaranka taasna ay muujineyso hormarka la sameeyay.
“Saddexda bilood ee aan joogno waxaan qabannay, inaan bixinay mushaaraadka ciidammada iyo shaqaalaha Rayidka ee dowladda, waxaan bilowney inaan soo celinay Karaamadii ummaddeenna oo dalalka adduunka dhan ay noo muujiyeen in ay diyaar u yihiin u istaagidda wax wada qabsi buuxa, shacabka Soomaaliyeed dowladdaan waa middii shacabka”.

FADLAN ARAGTIDAADA HALKAN KA DHIIBO

RA'YIGA DADWEYNAHA